താരപ്രചാരക പട്ടികയിൽ നിന്ന് ഒഴിവാക്കിയതില്‍ കടുത്ത അതൃപ്തിയുമായി കെ മുരളീധരൻ

കോൺഗ്രസിന്റെ താരപ്രചാരക പട്ടികയിൽ ഉൾപ്പെടുത്താത്തതിൽ അതൃപ്തി അറിയിച്ച് കെ മുരളീധരൻ. കെപിസിസി പ്രചാരണ കമ്മിറ്റി ചെയർമാനായിട്ടും അവഗണിച്ചു. ജൂനിയർ നേതാക്കളെ താര പ്രചാരക പട്ടികയിൽ ഉൾപ്പെടുത്തി. തന്റെ പ്രതിഷേധം മുരളീധരൻ ഹൈക്കമാൻഡിനെ അറിയിച്ചിട്ടുണ്ട്. അതേസമയം പുതുപ്പള്ളിയിൽ തെരഞ്ഞെടുപ്പ് പ്രചാരണത്തിന് എത്തുമെന്ന് മുരളീധരൻ അറിയിച്ചിട്ടുണ്ട്

കെസി വേണുഗോപാലാണ് 37 താരപ്രചാരകരുടെ പട്ടിക തെരഞ്ഞെടുപ്പ് കമ്മീഷന് സമർപ്പിച്ചത്. ശശി തരൂരും കെ മുരളീധരനും പട്ടികയിൽ ഇല്ല. കേരളത്തിലെ 15 കോൺഗ്രസ് എംപിമാരിൽ 12 പേരും പട്ടികയിലുണ്ട്.