കേരളത്തിൽ സർക്കാരും സിപിഎമ്മും നടത്തുന്ന മാധ്യമ വേട്ട അവസാനിപ്പിക്കണം: കെ സുരേന്ദ്രൻ

സർക്കാരും സിപിഎമ്മും കേരളത്തിൽ നടത്തുന്ന മാധ്യമ വേട്ട അവസാനിപ്പിക്കണമെന്ന് ബിജെപി സംസ്ഥാന പ്രസിഡന്റ് കെ സുരേന്ദ്രൻ. സർക്കാരിനെയും സിപിഎമ്മിനെയും വിമർശിക്കുന്ന മാധ്യമങ്ങളെയും മാധ്യമപ്രവർത്തകരെയും ഇല്ലായ്മ ചെയ്യുമെന്ന് ഭരണപക്ഷത്തെ ഒരു എംഎൽഎ പരസ്യമായി പ്രഖ്യാപിച്ചത് ഞെട്ടിപ്പിക്കുന്നതാണ്. കള്ളപ്പണക്കാരും മാഫിയകളുമാണ് കേരളം ഭരിക്കുന്നതെന്ന് ഓരോ ദിവസം കഴിയുമ്പോഴും വ്യക്തമാകുകയാണ്

തുടർ ഭരണത്തിന്റെ ഹുങ്കിൽ കേരളത്തെ ചൈനയാക്കി മാറ്റാനാണ് പിണറായി വിജയൻ ശ്രമിക്കുന്നത്. ചൈനയിലേതിന് സമാനമായി സർക്കാരിനെ പിന്തുണക്കുന്ന മാധ്യമങ്ങൾ മാത്രം പ്രവർത്തിച്ചാൽ മതിയെന്നാണ് സിപിഎമ്മിന്റെ നിലപാട്. ഏറ്റവുമൊടുവിൽ തിരുവനന്തപുരം പ്രസ് ക്ലബ് പ്രസിഡന്റ് രാധാകൃഷ്ണനെതിരെ സിപിഎം സൈബർ ഗുണ്ടകൾ വധഭീഷണി മുഴക്കിയിരിക്കുകയാണെന്നും സുരേന്ദ്രൻ പറഞ്ഞു.