കെഎസ്ആർടിസി ബസിൽ നഗ്നത പ്രദർശിപ്പിച്ച സവാദിന് സ്വീകരണം നൽകുമെന്ന് കേരളാ മെൻസ് അസോസിയേഷൻ
കെഎസ്ആർടിസി ബസിൽ നഗ്നതാ പ്രദർശനം നടത്തിയ സവാദിന് സ്വീകരണം നൽകുമെന്ന് ഓൾ കേരളാ മെൻസ് അസോസിയേഷൻ. നടിക്ക് ഇൻസ്റ്റഗ്രാം ഫോളോവേഴ്‌സിനെ കൂട്ടാനുള്ള കള്ളപ്പരാതിയാണ് ഇതെന്നും നടിക്കെതിരെ ഡിജിപിക്ക് പരാതി നൽകിയിട്ടുണ്ടെന്നും മെൻസ് അസോസിയേഷൻ സംസ്ഥാന പ്രസിഡന്റ് വട്ടിയൂർക്കാവ് അജിത്കുമാർ പറഞ്ഞു
സവാദിന് ജാമ്യം കിട്ടിയിട്ടില്ല. മജിസ്‌ട്രേറ്റ് ലീവാണ്. നാളെ ജാമ്യം കിട്ടുമെന്ന് പ്രതീക്ഷിക്കുന്നു. ജാമ്യം ലഭിച്ച് പുറത്തുവരുമ്പോൾ സവാദിനെ മാലയിട്ട് സ്വീകരിക്കും. ഇതൊരു വ്യാജ പരാതിയാണ്. ആത്മഹത്യ മുന്നിൽ കണ്ടാണ് സവാദ് ജയിലിൽ നിന്നിറങ്ങുന്നത്. നാട്ടിൽ പുറത്തിറങ്ങി നടക്കാൻ പറ്റാത്ത സ്ഥിതിയാണ്. കുടുംബമൊക്കെ വീട് പൂട്ടിപ്പോയി.
സവാദ് ആകെ തകർന്ന് വല്ലാത്തൊരു അവസ്ഥയിലാണ്. നിരാശയിലാണ്, ഫുഡ് കഴിക്കുന്നില്ല. ആ മാനസികാവസ്ഥയിൽ നിന്ന് മാറ്റിയെടുക്കുകയാണ് ലക്ഷ്യം. സ്വീകരണത്തിന് ഒരുപാട് അംഗങ്ങൾ വരുമെന്നും വട്ടിയൂർക്കാവ് അജിത് കുമാർ പറഞ്ഞു.
