കോട്ടയം അയ്മനത്ത് സർവീസ് ബോട്ട് വള്ളത്തിൽ ഇടിച്ച് നദിയിലേക്ക് വീണ വിദ്യാർഥിനി മുങ്ങിമരിച്ചു
Oct 30, 2023, 15:05 IST
കോട്ടയം അയ്മനത്ത് സർവീസ് ബോട്ട് വള്ളത്തിൽ ഇടിച്ച് ഒഴുക്കിൽപ്പെട്ട് ഏഴാം ക്ലാസ് വിദ്യാർഥിനി മരിച്ചു. രാവിലെ ഒമ്പതു മണിയോടെയായിരുന്നു അപകടം. കുടവച്ചൂർ സെന്റ് മൈക്കിൾസ് സ്‌കൂൾ വിദ്യാർഥിനി അനശ്വരയാണ് മരിച്ചത്.
ഇടത്തോട്ടിൽ നിന്നും പ്രധാന ജലപാതയിലേക്ക് കയറുന്ന സ്ഥലത്തുവെച്ചായിരുന്നു അപകടം. തടിവള്ളത്തിന്റെ മധ്യഭാഗത്തായി ബോട്ട് ഇടിക്കുകയായിരുന്നു. അമ്മയും സഹോദരിയും അത്ഭുതകരമായി രക്ഷപ്പെട്ടു. കോട്ടയത്തു നിന്ന് അടക്കമുള്ള ഫയർഫോഴ്‌സ് സംഘം മൂന്നുമണിക്കൂറോളം തെരച്ചിൽ നടത്തിയശേഷമാണ് മൃതദേഹം കണ്ടെടുക്കാനായത്.
