മൂന്നാറിൽ വീട്ടുമുറ്റത്ത് നിർത്തിയിട്ടിരുന്ന ഓട്ടോറിക്ഷ കാട്ടാന തകർത്തു

മൂന്നാറിൽ വീട്ടുമുറ്റത്ത് നിർത്തിയിട്ടിരുന്ന ഓട്ടോറിക്ഷ കാട്ടാന തകർത്തു. പെരിയവര എസ്റ്റേറ്റ് ചോലമല ഡിവിഷനിലെ താമസക്കാരനായ പീറ്ററിന്റെ ഓട്ടോറിക്ഷയാണ് കാട്ടാന തകർത്തത്. ഈ കുടുംബത്തിന്റെ ഏക വരുമാന മാർഗം കൂടിയായിരുന്നുവിത്

ഞായറാഴ്ച രാത്രി ഒന്നരയോടെയാണ് കാട്ടാന വീട്ടുമുറ്റത്തുണ്ടായിരുന്ന ഓട്ടോ റിക്ഷ കൊമ്പിൽ കോർത്ത് മറിച്ചിട്ടത്. കഴിഞ്ഞ ദിവസം ഈ ലയത്തിന് സമീപത്തെത്തിയ കാട്ടാന വീടിന് അടുത്തുണ്ടായിരുന്ന വാഴകളും നശിപ്പിച്ചിരുന്നു. മാസങ്ങൾക്ക് മുമ്പ് ഇതേ എസ്റ്റേറ്റിലെ ഫാക്ടറി ഡിവിഷന് സമീപത്തെ വീട്ടിൽ നിർത്തിയിട്ടിരുന്ന ഓട്ടോ റിക്ഷകളും ബൈക്കുകളും കാട്ടാന തകർത്തിരുന്നു.