കലാപമുണ്ടാക്കാനുള്ള ആസൂത്രിത ശ്രമമാണ് യൂത്ത് കോൺഗ്രസിന്റേതെന്ന് മന്ത്രി പി രാജീവ്
Nov 21, 2023, 08:28 IST
യൂത്ത് കോൺഗ്രസിന്റേത് കലാപമുണ്ടാക്കാനുള്ള ആസൂത്രിത ശ്രമമാണെന്ന് മന്ത്രി പി രാജീവ്. നവകേരള സദസിനെതിരായ പ്രതിഷേധം ജനങ്ങൾ അവഗണിച്ച് കളയണം. പ്രതിപക്ഷം സഹകരിച്ചിരുന്നുവെങ്കിൽ ഉദ്ഘാടന ചടങ്ങിലേക്ക് പ്രതിപക്ഷ നേതാവിന് പ്രധാനപ്പെട്ട ഇടമുണ്ടാകുമായിരുന്നു.
എന്ത് വിമർശനവും വിയോജിപ്പും ജനങ്ങളെ സാക്ഷി നിർത്തി പറയാനുള്ള അവസരമാണ് പ്രതിപക്ഷം ഇല്ലാതാക്കിയത്. ലക്ഷക്കണക്കിന് ആളുകളാണ് പരിപാടിയിൽ പങ്കെടുക്കുന്നത്. ജനങ്ങൾക്ക് സർക്കാരിൽ വിശ്വാസമാണ്. ആരെങ്കിലും രണ്ട് പേർ കൊടിയുമായി എത്തുന്നതാണോ പ്രതിഷേധമെന്നും മന്ത്രി ചോദിച്ചു.
