മുതലപ്പൊഴിയിൽ വള്ളം മറിഞ്ഞ് കാണാതായ തൊഴിലാളികളിൽ ഒരാൾ മരിച്ചു; മറ്റുള്ളവർക്കായി തെരച്ചിൽ

തിരുവനന്തപുരം മുതലപ്പൊഴിയിൽ മത്സ്യബന്ധന വള്ളം മറിഞ്ഞ് കാണാതായ നാല് തൊഴിലാളികളിൽ ഒരാൾ മരിച്ചു. പുതുക്കുറിച്ചി സ്വദേശി കുഞ്ഞുമോനാണ് മരിച്ചത്. മറ്റ് മൂന്ന് പേർക്കായി തെരച്ചിൽ തുടരുകയാണ്. പുതുക്കുറിച്ചി സ്വദേശി ആന്റണിയുടെ ഉടമസ്ഥതയിലുള്ള വള്ളമാണ് മറിഞ്ഞത്. പുലർച്ചെ നാല് മണിയോടെയാണ് അപകടമുണ്ടായത്.