പിണറായിയുടെ മനസ്സ് പലസ്തീൻ ജനതക്കൊപ്പമല്ല, ഇസ്രായേലിനൊപ്പമാണ്: കെ മുരളീധരൻ

കോൺഗ്രസിന്റെ പലസ്തീൻ ഐക്യദാർഢ്യ റാലിക്ക് കോഴിക്കോട് ജില്ലാ ഭരണകൂടം അനുമതി നിഷേധിച്ചത് ജനാധിപത്യവിരുദ്ധമാണെന്ന് കെ മുരളീധരൻ എംപി. മോദിയുടെ തനിപ്പകർപ്പാണ് പിണറായി എന്ന് ഈ നീക്കത്തിലൂടെ തെളിഞ്ഞിരിക്കുുകയാണ്. കോൺഗ്രസ് ഇരട്ടത്താപ്പ് എന്നൊക്കെ പറഞ്ഞത് ഇപ്പോൾ വെറുതെയായി. മുഖ്യമന്ത്രിയുടെ സ്‌നേഹം പലസ്തീൻ ജനതയോട് അല്ല. പിണറായിയുടെ മനസ്സ് ഇസ്രായേലിനൊപ്പമാണെന്ന് തെളിഞ്ഞെന്നും അദ്ദേഹം കുറ്റപ്പെടുത്തി

ഈ മാസം 23 ന് കോഴിക്കോട് ബീച്ചിൽ ആണ് പരിപാടി സംഘടിപ്പിച്ചിരുന്നത്. കോഴിക്കോട് ജില്ലാ കളക്ടർ ആണ് അനുമതി നിഷേധിച്ചത്. നവകേരള സദസ്സ് നടക്കുന്നതിനാൽ അനുമതി നൽകാൻ ആകില്ലെന്ന് ജില്ലാ ഭരണകൂടം അറിയിച്ചതായി DCC പ്രസിഡന്റ് അഡ്വ. K. പ്രവീൺകുമാർ വ്യക്തമാക്കുന്നു. റാലി ശക്തി പ്രകടനമാക്കാനാണ് കോഴിക്കോട് ഡിസിസിയുടെ തീരുമാനം.