കേരളത്തിൽ മഴ ശക്തമാകുന്നു; യെല്ലോ അലർട്ട് പത്ത് ജില്ലകളിൽ

കേരളത്തിൽ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. ഇന്നത്തെ മഴ മുന്നറിയിപ്പ് പുതുക്കി. യെല്ലോ അലർട്ട് പത്ത് ജില്ലകളിലാണ് പ്രഖ്യാപിച്ചത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, കോഴിക്കോട്, കണ്ണൂർ ജില്ലകളിലാണ് യെല്ലോ അലർട്ട്. 

അടുത്ത അഞ്ച് ദിവസം വ്യാപകമായി ഇടിമിന്നലോടുകൂടിയ മഴ തുടരാൻ സാധ്യതയുണ്ട്. ബിപോർജോയ് ചുഴലിക്കാറ്റ് അറബിക്കടലിന് മുകളിൽ അതിതീവ്ര ചുഴലിക്കാറ്റായി ശക്തി പ്രാപിച്ചു. വ്യാഴാഴ്ച വൈകിട്ടോടെ ചുഴലിക്കാറ്റ് ഗുജറാത്തിലെ മാണ്ഡവിക്കും പാക്കിസ്ഥാനിലെ കറാച്ചിക്കും ഇടയിൽ ജാഖു പോർട്ടിന് സമീപം കര തൊടും.