ആലുവയിൽ പീഡനത്തിന് ഇരയായ എട്ട് വയസ്സുകാരിക്ക് അടിയന്തര ധനസഹായമായി ഒരു ലക്ഷം രൂപ അനുവദിച്ചു

ആലുവയിൽ പീഡനത്തിനിരയായ എട്ട് വയസ്സുകാരിക്ക് അടിയന്തര ധനസഹായമായി വനിതാ ശിശു വികസന വകുപ്പിൽ നിന്നും ഒരു ലക്ഷം രൂപ അനുവദിക്കുമെന്ന് മന്ത്രി വീണ ജോർജ്. കുട്ടിക്ക് എറണാകുളം മെഡിക്കൽ കോളജിൽ സൗജന്യ വിദഗ്ധ ചികിത്സ ഉറപ്പ് വരുത്തിയിട്ടുണ്ട്. ഇതിനോടൊപ്പം ആശുപത്രിയിൽ പതിനായിരം രൂപ അടിയന്തരമായി നൽകിയിട്ടുണ്ട്

കുട്ടി വിദഗ്ധ ഡോക്ടർമാരുടെ നിരീക്ഷണത്തിലാണ്. നിലവിൽ കുട്ടിയുടെ ആരോഗ്യനില തൃപ്തികരമാണെന്ന് സൂപ്രണ്ട് അറിയിച്ചതായും മന്ത്രി പറഞ്ഞു. സംഭവത്തിൽ അന്വേഷണം നടത്തി ആവശ്യമായ സംരക്ഷണം കുട്ടിക്കും കുടുംബത്തിനും നൽകാൻ മന്ത്രി വനിതാ ശിശു വികസന ഡയറക്ടർക്ക് നിർദേശം നൽകിയിട്ടുണ്ട്.