മുന്നണി മാറ്റത്തിനായി ആരെങ്കിലും വെള്ളം വെച്ചിട്ടുണ്ടെങ്കിൽ ആ തീ കത്തില്ലെന്ന് സാദിഖലി തങ്ങൾ

മുസ്ലിം ലീഗ് സിപിഎമ്മുമായി അടുക്കുന്നുവെന്ന വാർത്തകൾ തള്ളി ലീഗ് സംസ്ഥാന പ്രസിഡന്റ് സാദിഖലി തങ്ങൾ. യുഡിഎഫിൽ നിന്ന് പോകുന്നതിനേക്കാൾ ആയിരമിരട്ടി കാരണങ്ങൾ മുന്നണിയിൽ ഉറച്ച് നിൽക്കാനുണ്ട്. യുഡിഎഫിനെ ശക്തിപ്പെടുത്തുക എന്ന ഉത്തരവാദിത്തത്തിൽ നിന്ന് ഒരിഞ്ച് വഴി മാറാൻ ലീഗില്ല. മുന്നണി മാറാൻ ബാങ്കിന്റെ വാതിൽപ്പടി കടക്കേണ്ട കാര്യം ലീഗിനില്ല. 

ആരെങ്കിലും മുന്നണി മാറ്റത്തിനായി വെള്ളം അടുപ്പത്ത് വെച്ചിട്ടുണ്ടെങ്കിൽ ആ തീ കത്താൻ പോകുന്നില്ലെന്നും സാദിഖലി തങ്ങൾ പറഞ്ഞു. ലീഗ് എംഎൽഎ പി അബ്ദുൽ ഹമീദ് കേരലാ ബാങ്ക് ഡയറക്ടർ ബോർഡ് അംഗമായതോടെയാണ് ലീഗും സിപിഎമ്മും തമ്മിൽ അടുക്കുന്നുവെന്ന അഭ്യൂഹം ഉയർന്നത്.