കേരളത്തിനുള്ള രണ്ടാം വന്ദേഭാരത് ഉടനെത്തുമെന്ന് എംകെ രാഘവൻ എംപി; റെയിൽവേ ഉറപ്പ് നൽകി

കേരളത്തിനുള്ള രണ്ടാം വന്ദേഭാരത് ഉടനെത്തുമെന്ന് എംകെ രാഘവൻ എംപി. മംഗലാപുരം മുതൽ തിരുവനന്തപുരം വരെയാകും സർവീസ് എന്നും ദക്ഷിണ റെയിൽവേയിൽ നിന്നും ഇക്കാര്യത്തിലടക്കം ഉറപ്പ് ലഭിച്ചെന്നും എം കെ രാഘവൻ അറിയിച്ചു. പുതിയ പാസഞ്ചർ ട്രെയിനുകൾക്കുള്ള നിവേദനം നൽകിയതായും രാഘവൻ വ്യക്തമാക്കി. 

കേരളത്തിന് ലഭിക്കേണ്ടിയിരുന്ന രണ്ടാം വന്ദേഭാരത് ഗോവയിലേക്ക് കൊണ്ടുപോകുമെന്ന് നേരത്തെ റിപ്പോർട്ടുകൾ വന്നിരുന്നു. എന്നാൽ അതെല്ലാം അഭ്യൂഹം മാത്രമാണെന്നാണ് ഇപ്പോൾ ലഭിക്കുന്ന വിവരം. രൂപമാറ്റം വരുത്തിയ വന്ദേഭാരത് ദക്ഷിണ റെയിൽവേക്ക് ഇതിനോടകം കൈമാറിയിട്ടുണ്ട്.