കുന്നംകുളത്ത് തെരുവ് നായയുടെ ആക്രമണം; വയോധികനടക്കം രണ്ട് പേർക്ക് പരുക്ക്

തൃശ്ശൂർ കുന്നംകുളത്ത് തെരുവ് നായയുടെ ആക്രമണത്തിൽ വയോധികൻ അടക്കം രണ്ട് പേർക്ക് പരുക്ക്. ചൊവ്വന്നൂർ എട്ടംപുറത്താണ് സംഭവം. പരുക്കേറ്റവരെ തൃശ്ശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്ന് രാവിലെയാണ് സംഭവം. അതേസമയം പത്തനംതിട്ടയിൽ അഞ്ച് പേർക്ക് തെരുവ് നായയുടെ കടിയേറ്റു. പന്തളം, അമ്പലക്കടവ്, മണ്ണാക്കടവ് പ്രദേശങ്ങളിലാണ് തെരുവ് നായയുടെ ആക്രമണമുണ്ടായത്.