രാഹുൽ ഗാന്ധിയെ പുറത്ത് നിർത്തി ഇന്ത്യ ഭരിക്കാമെന്ന മോഹം സുപ്രീം കോടതി ഇല്ലാതാക്കിയെന്ന് കെ മുരളീധരൻ

രാഹുൽ ഗാന്ധിയെ പുറത്തുനിർത്തി ഇന്ത്യ ഭരിക്കാമെന്ന മോഹം സുപ്രീം കോടതി ഇല്ലാതാക്കിയെന്ന് കെ മുരളീധരൻ. രാഹുൽ ഗാന്ധി സഭയിൽ എത്തുന്നത് ആശ്വാസകരമാണെന്നും കെപിസിസിയുടെ ജനസദസ്സിൽ സംസാരിക്കവെ മുരളീധരൻ പറഞ്ഞു. ഏക സിവിൽ കോഡ് തടയാനും മണിപ്പൂർ നരഹത്യ തടയാനും ഒരുമിച്ച് നിൽക്കണം. 

മോദിയുടെ പാർട്ടികൾക്ക് സംഗീതം പകരുന്ന ചിലരുണ്ട്. ശാസ്ത്രത്തെ സംരക്ഷിക്കാൻ ചില ദൈവങ്ങൾ വേണ്ടെന്ന് പറഞ്ഞാൽ അത് കേന്ദ്രസർക്കാരിന്റെ കാർബൺ പതിപ്പ് എന്ന് പറയേണ്ടി വരും. വിശ്വാസങ്ങൾ സംരക്ഷിക്കപ്പെടണമെന്നും ശാസ്ത്രത്തെ രക്ഷിക്കാനായി ദൈവങ്ങളെ മോശക്കാരാക്കുന്നത് നടക്കില്ലെന്നും മുരളീധരൻ പറഞ്ഞു.