ജയിൽ ഉദ്യോഗസ്ഥരെ സസ്‌പെൻഡ് ചെയ്തത് സർക്കാരിന്റെ മുഖം രക്ഷിക്കാൻ: കെ കെ രമ

rema

ടിപി ചന്ദ്രശേഖരൻ വധക്കേസ് പ്രതികൾക്ക് ശിക്ഷായിളവ് നൽകാനുള്ള നീക്കത്തിൽ ജയിൽ ഉദ്യോഗസ്ഥരെ സസ്പെൻഡ് ചെയ്തത് സർക്കാരിന്റെ മുഖം രക്ഷിക്കാനാണെന്ന് കെകെ രമ. നാല് പ്രതികൾക്ക് ശിക്ഷാ ഇളവ് നൽകാനായിരുന്നു നീക്കമെന്ന് രമ മാധ്യമങ്ങളോട് പറഞ്ഞു. ഇന്നലെ ഇത് സംബന്ധിച്ച് മൊഴിയെടുക്കാൻ പൊലീസ് വിളിച്ചിരുന്നു. ട്രൗസർ മനോജിന് ശിക്ഷാ ഇളവ് നൽകുന്നത് സംബന്ധിച്ചായിരന്നു മൊഴിയെടുക്കാൻ വിളിച്ചതെന്നും രമ പറഞ്ഞു.

പ്രതികൾക്ക് ശിക്ഷാ ഇളവ് നൽകാനുള്ള നീക്കവുമായി സർക്കാർ മുന്നോട്ടുപോവുകയായിരുന്നു. ഉദ്യോഗസ്ഥർ മാത്രം വിചാരിച്ചാൽ ലിസ്റ്റ് വരില്ല. സർക്കാർ പ്രതികൾക്കായി നിലകൊള്ളുന്നുണ്ട്. ആഭ്യന്തര വകുപ്പിന്റെ ഉൾപ്പെടെ അറിഞ്ഞുകൊണ്ടായിരുന്നു നടപടി. സഭയിൽ മറുപടി പറയേണ്ട മുഖ്യമന്ത്രി സഭയിലെത്തിയില്ല.

വിഷയത്തിൽ പ്രതിഷേധവും വിവാദവും ഉണ്ടായപ്പോഴാണ് ഉദ്യോഗസ്ഥർക്കെതിരെ നടപടിയെടുത്ത് മുഖം രക്ഷിക്കാൻ ശ്രമം നടത്തുന്നതെന്നും രമ പറഞ്ഞു. കണ്ണൂർ സെൻട്രൽ ജയിൽ സൂപ്രണ്ട് ചുമതലയുള്ള ജോയിന്റ് സൂപ്രണ്ട് കെ എസ് ശ്രീജിത്ത്, അസിസ്റ്റന്റ് സൂപ്രണ്ട് ബി ജി അരുൺ, അസിസ്റ്റന്റ് പ്രിസൺ ഓഫീസർ ഒ വി രഘുനാഥ് എന്നിവരെയാണ് സസ്പെൻഡ് ചെയ്തത്.

Share this story