പുതുപ്പള്ളിയിൽ ജയിച്ചത് ടീം യുഡിഎഫ്; ഈ മാതൃക തുടരുമെന്ന് വിഡി സതീശൻ

പുതുപ്പള്ളിയിൽ വിജയിച്ചത് ടീം യുഡിഎഫ് എന്ന് പ്രതിപക്ഷ നേതാവ് വിഡി സതീശൻ. ഈ മാതൃക വരും തെരഞ്ഞെടുപ്പുകളിലും തുടരും. വിജയം കോൺഗ്രസിനെ കൂടുതൽ വിനയാന്വിതരാക്കുന്നു. കേരളത്തിന്റെ മുഴുവൻ പിന്തുണ ചാണ്ടി ഉമ്മന് കിട്ടി. പ്രചാരണ സമയത്ത് മുഖ്യന്ത്രിയോട് ഏഴ് ചോദ്യങ്ങൾ ചോദിച്ചിരുന്നു. എന്തുകൊണ്ടാണ് പ്രതികരിക്കാത്തതെന്നും സതീശൻ ചോദിച്ചു

ഉത്തമരായ കമ്മ്യൂണിസ്റ്റുകാരുടെ പിന്തുണയും പുതുപ്പള്ളിയിൽ കോൺഗ്രസിന് കിട്ടി. എംവി ഗോവിന്ദൻ പിണറായിയുടെ കുഴലൂത്തുകാരനായി മാറി. മുഖ്യമന്ത്രിയുടെ ഓഫീസിനെ പൊതുമരാമത്ത് മന്ത്രിയുടെ ഓഫീസ് ഹൈജാക്ക് ചെയ്യുകയാണ്. മുന്നോക്ക വികസന കോർപറേഷൻ ചെയർമാനെ മാറ്റിയ നടപടി ഇതിന് ഉദാഹരണമാണെന്നും പ്രതിപക്ഷ നേതാവ് പറഞ്ഞു.