മുഖ്യമന്ത്രി ഏഴ് മാസമായി പ്രതികരിക്കുന്നില്ല; ജനങ്ങളെ കൊഞ്ഞനം കുത്തുകയാണെന്ന് ചെന്നിത്തല

മുഖ്യമന്ത്രിയുടെ മകൾ വീണ വിജയന് സിഎംആർഎൽ പണം നൽകിയെന്നത് അഴിമതി ആരോപണമല്ല, ഒരു ഏജൻസിയുടെ കണ്ടെത്തലാണെന്ന് രമേശ് ചെന്നിത്തല. മുഖ്യമന്ത്രിക്ക് വെഞ്ചാമരം വീശുകയാണ് സിപിഎം സെക്രട്ടറി. കുഴൽനാടൻ ആരോപണങ്ങൾ ഉന്നയിച്ചത് വസ്തുതകളുടെ അടിസ്ഥാനത്തിലാണ്. എന്നാൽ ആരോപണം ഉന്നയിക്കുന്നവരെ സർക്കാർ വേട്ടയാടുകയാണെന്നും ചെന്നിത്തല ആരോപിച്ചു. 

മുഖ്യമന്ത്രി ഏഴ് മാസമായി പ്രതികരിക്കുന്നില്ല. ജനങ്ങളോട് സംസാരിക്കാൻ തയ്യാറാകുന്നില്ല. മുഖ്യമന്ത്രി ജനങ്ങളെ കൊഞ്ഞനം കുത്തുകയാണ്. തുടർ ഭരണത്തിന്റെ അഹങ്കാരമാണ് മുഖ്യമന്ത്രിക്ക്. പാർട്ടി സെക്രട്ടറിയാണെങ്കിൽ ഒരു കിങ്കരനെ പോലെയാണ് പ്രവർത്തിക്കുന്നതെന്നും ചെന്നിത്തല പറഞ്ഞു.