പ്രതിപക്ഷ നേതാവ് വിഡി സതീശനെതിരെ വിജിലൻസ് അന്വേഷണത്തിന് സർക്കാർ അനുമതി നൽകി

പ്രതിപക്ഷ നേതാവ് വിഡി സതീശനെതിരെ അന്വേഷണത്തിന് സർക്കാർ ഉത്തരവിട്ടു. പ്രളയത്തിന് ശേഷം പറവൂർ മണ്ഡലത്തിൽ വിഡി സതീശന്റെ നേതൃത്വത്തിൽ നടപ്പാക്കിയ പുനർജനി പദ്ധതിയെ കുറിച്ചാണ് അന്വേഷണം നടത്തുക. വിജിലൻസ് അടക്കം ആഭ്യന്തര വകുപ്പ് കൈകാര്യം ചെയ്യുന്ന മുഖ്യമന്ത്രി പിണറായി വിജയനാണ് അന്വേഷണത്തിന് അനുമതി നൽകിയത്

കേന്ദ്രസർക്കാരിന്റെ അനുമതിയില്ലാതെ വിദേശത്ത് നിന്നും പദ്ധതിക്കായി പണം പിരിച്ചെന്ന ആരോപണത്തിന്റെ അടിസ്ഥാനത്തിലാണ് അന്വേഷണം. പ്രാഥമിക അന്വേഷണം നടത്താനാനാണ് വിജിലൻസിന് നിർദേശം നൽകിയിരിക്കുന്നത്. ആരോപണത്തിൽ കഴമ്പുണ്ടെന്ന് തെളിഞ്ഞാൽ വിശദമായ അന്വേഷണം നടത്തിയേക്കും. ചാലക്കുടി കാതികൂടം ആക്ഷൻ കൗൺസിലാണ് സതീശനെതിരെ പരാതി നൽകിയിരിക്കുന്നത്.