തൊപ്പിക്കെതിരെ മറ്റ് വകുപ്പുകൾ ചുമത്താനുള്ള തെളിവുകളില്ല; യൂട്യൂബ് ബ്ലോക്ക് ചെയ്യാൻ നടപടി

തൊപ്പി എന്നറിയപ്പെടുന്ന യൂട്യൂബർ മുഹമ്മദ് നിഹാദിന്റെ മുറിയിൽ നിന്നും പോലീസ് കസ്റ്റഡിയിലെടുത്ത ഇലക്ട്രോണിക് ഉപകരണങ്ങളിൽ നിന്നും മറ്റ് തെളിവുകൽ കണ്ടെത്താനായിട്ടില്ലെന്ന് സൂചന. ഇവ കോടതിയിൽ സമർപ്പിച്ചു. കൂടുതൽ പരാതികൾ ഉയർന്ന സാഹചര്യത്തിൽ തൊപ്പിയുടെ യൂട്യൂബ് ബ്ലോക്ക് ചെയ്യാൻ പോലീസ് നടപടികൾ സ്വീകരിക്കും

നിഹാദിന്റെ ലാപ്‌ടോപ്പ് കമ്പ്യൂട്ടർ ഹാർഡ് ഡിസ്‌ക്, മൊബൈൽ ഫോണുകൾ എന്നിവ പോലീസ് കസ്റ്റഡിയിലെടുത്ത് പരിശോധിച്ചിരുന്നു. എന്നാൽ മറ്റ് വകുപ്പുകൾ ചുമത്തേണ്ട തെളിവുകളൊന്നും കണ്ടെത്തിയിട്ടില്ല. ചോദ്യം ചെയ്യലിന് ഹാജരാകണമെന്ന കർശന നിബന്ധനയോടെയാണ് തൊപ്പിയെ ഇന്നലെ സ്റ്റേഷൻ ജാമ്യത്തിൽ വിട്ടത്.