തൊണ്ടിമുതൽ കേസ്: പുനരന്വേഷണത്തിന് സുപ്രീം കോടതി സ്‌റ്റേ; ആന്റണി രാജുവിന് ആശ്വാസം

തൊണ്ടി മുതൽ കേസിൽ മന്ത്രി ആന്റണി രാജുവിന് ആശ്വാസം. പുനരന്വേഷണം നടത്താനുള്ള ഹൈക്കോടതി ഉത്തരവിനെതിരായ ആന്റണി രാജുവിന്റെ ഹർജിയിൽ സംസ്ഥാന സർക്കാർ അടക്കം എതിർ കക്ഷികൾക്ക് നോട്ടീസ് അയക്കാൻ സുപ്രിം കോടതി നിർദേശിച്ചു. ആറ് ആഴ്ചക്കുള്ളിൽ മറുപടി നൽകണം. കേസിൽ സുപ്രീം കോടതി തീരുമാനമെടുക്കുന്നതുവരെ പുനരന്വേഷണത്തിനും സ്റ്റേയുണ്ട്. പോലീസ് കേസ് റദ്ദാക്കിയ ഹൈക്കോടതി ഉത്തരവ് ചോദ്യം ചെയ്ത സ്വകാര്യ വ്യക്തി അപ്പീലിലും നോട്ടീസ് അയക്കും.