കരുവന്നൂർ ബാങ്ക് തട്ടിപ്പിന് പിന്നിൽ സിപിഎമ്മിന്റെ ഉന്നത നേതാക്കൾ, മന്ത്രി ബിന്ദുവിനും പങ്കുണ്ട്: സുരേന്ദ്രൻ

കരുവന്നൂർ സഹകരണ ബാങ്കിലെ 300 കോടി തട്ടിപ്പിന് പിന്നിൽ സിപിഎമ്മിന്റെ ഉന്നത നേതാക്കളെന്ന് ബിജെപി സംസ്ഥാന പ്രസിഡന്റ് കെ സുരേന്ദ്രൻ. മന്ത്രി ആർ ബിന്ദുവിന് തട്ടിപ്പുകാരുമായി ബന്ധമുണ്ട്. ബിന്ദുവിന് തെരഞ്ഞെടുപ്പിൽ തട്ടിപ്പുകാർ പണം നൽകി. മൊയ്തീൻ മാത്രമല്ല കൊള്ളക്ക് പിന്നിൽ. രണ്ട് സിപിഎം ജില്ലാ സെക്രട്ടറിമാർക്കും പങ്കുണ്ട്.

കണ്ണൂരുകാരനായ സതീശൻ എങ്ങനെ കരുവന്നൂരിൽ എത്തി. മൊയ്തീനെ ചോദ്യം ചെയ്യുമ്പോൾ എല്ലാം പുറത്തുവരും. ഇപി ജയരാജൻ പാർട്ടി ചുമതലക്കാരനായി തൃശ്ശൂരിലെത്തിയപ്പോഴാണ് തട്ടിപ്പ് ആസൂത്രണം നടന്നത്. കുഞ്ഞാലിക്കുട്ടി പണം നിക്ഷേപിക്കുന്നത് സിപിഎമ്മിന്റെ ബാങ്കിലാണെന്നും സുരേന്ദ്രൻ പറഞ്ഞു.