മുഖ്യമന്ത്രി അമേരിക്ക, ക്യൂബൻ യാത്രയ്ക്ക്; കേന്ദ്രസർക്കാരിന്റെ അനുമതി ലഭിച്ചു

മുഖ്യമന്ത്രി പിണറായി വിജയന്റെ അമേരിക്കൻ, ക്യൂബ യാത്രകൾക്ക് കേന്ദ്രസർക്കാരിന്റെ അനുമതി. അടുത്ത മാസം എട്ട് മുതൽ 18 വരെയാണ് യാത്ര. യു എസ് യാത്രയിൽ മുഖ്യമന്ത്രിക്കൊപ്പം സ്പീക്കറും ധനമന്ത്രിയും ചീഫ് സെക്രട്ടറി അടക്കമുള്ള ഉദ്യോഗസ്ഥരും പങ്കെടുക്കും. യുഎസിൽ ലോക കേരള സഭാ മേഖലാ സമ്മേളനവും പിന്നെ ലോകബാങ്ക് പ്രതിനിധികളുമായി ചർച്ചയും നടത്തും. അമേരിക്കൻ സന്ദർശനത്തിന് പിന്നാലെയാണ് ക്യൂബയിലേക്ക് മുഖ്യമന്ത്രി പോകുക

നേരത്തെ കേന്ദ്രം അനുമതി നിഷേധിച്ചതോടെ യുഎഇ യാത്ര മുഖ്യമന്ത്രി ഉപേക്ഷിച്ചിരുന്നു. അബുദാബി ഇൻവെസ്റ്റ്‌മെന്റ് മീറ്റിൽ പങ്കെടുക്കാനാണ് പിണറായി വിജയൻ വിദേശകാര്യ മന്ത്രാലയത്തിന്റെ അനുമതി തേടിയത്. എന്നാൽ കേന്ദ്രം ഇത് തള്ളുകയായിരുന്നു.