ആർഷോയെ മന്ത്രി ബിന്ദു കുറ്റവിമുക്തനാക്കിയത് അന്വേഷണം അട്ടിമറിക്കാനെന്ന് വി ഡി സതീശൻ

മാർക്ക് ലിസ്റ്റ് വിവാദത്തിൽ എസ് എഫ് ഐ സംസ്ഥാന സെക്രട്ടറി പി എം ആർഷോയെ മന്ത്രി ആർ ബിന്ദു കുറ്റവിമുക്തനാക്കിയത് അന്വേഷണം അട്ടിമറിക്കാനെന്ന് പ്രതിപക്ഷ നേതാവ് വി ഡി സതീശൻ. എന്തിന്റെ അടിസ്ഥാനത്തിലാണ് ആർഷോയെ കുറ്റവിമുക്തനാക്കിയത്. അന്വേഷണം നടത്തുമ്പോൾ തന്നെ മന്ത്രി കുറ്റവിമുക്തനാക്കുന്നത് വിചിത്രമാണെന്നും സതീശൻ പറഞ്ഞു

വിദ്യ എസ് എഫ് ഐ നേതാവാണ്. പോലീസ് വ്യാജരേഖ കേസിൽ ഒരു നടപടിയുമെടുത്തില്ല. കെ ഫോൺ കേബിൾ ചൈനീസ് ഉത്പന്നമാണെന്ന് പറഞ്ഞപ്പോൾ മുഖ്യമന്ത്രി പരിഹസിക്കുകയാണ് ചെയ്തത്. സോളാർ കമ്മീഷന്റെ കീഴിൽ നടന്നത് മുഴുവൻ കോമാളിത്തരങ്ങളായിരുന്നു. ഹേമചന്ദ്രൻ പറഞ്ഞത് മുഴുവൻ വാസ്തവമാണെന്നും സതീശൻ പ്രതികരിച്ചു.