ഇനി സിങ്കം സംഭവിക്കില്ല; പോലീസുകാരെ മഹത്വവത്കരിക്കുന്ന സിനിമയെടുത്തതിൽ കുറ്റബോധമെന്ന് ഹരി

പോലീസുകാരെ മഹത്വവത്കരിക്കുന്ന ചിത്രങ്ങൾ എടുത്തതിൽ കുറ്റബോധം തോന്നുന്നുവെന്ന് സംവിധായകൻ ഹരി. തൂത്തുക്കുടി സ്വദേശികളായ അച്ഛനും മകനും പോലീസ് കസ്റ്റഡിയിൽ കൊല്ലപ്പെട്ട സംഭവത്തിൽ പ്രതിഷേധം ശക്തമാകവെയാണ് ഹരിയുടെ പ്രതികരണം

സിങ്കം 1, 2, 3, സാമി, സാമി 2 തുടങ്ങിയ പോലീസ് ചിത്രങ്ങൾ സംവിധാനം ചെയ്തത് ഹരിയായിരുന്നു. പോലീസുകാരെ മഹത്വവത്കരിച്ച് അഞ്ച് സിനിമകൾ ചെയ്തതിൽ ഇന്ന് വേദനിക്കുന്നു. പോലീസുകാരിൽ ചിലർ ചെയ്ത പ്രവൃത്തി സേനയെ തന്നെ കളങ്കപ്പെടുത്തി. സാത്താങ്കുളത്ത് നടന്നതു പോലെ ഭയാനകവും ക്രൂരവുമായ സംഭവം തമിഴ്‌നാട്ടിൽ ഇനിയാർക്കും സംഭവിക്കരുതെന്നും ഹരി പറഞ്ഞു