ബോളിവുഡ് സംഗീത സംവിധായകൻ ശ്രാവൺ റാത്തോഡ് കൊവിഡ് ബാധിച്ച് മരിച്ചു
Apr 23, 2021, 08:24 IST
ബോളിവുഡ് സംഗീത സംവിധായകൻ ശ്രാവൺ റാത്തോഡ് അന്തരിച്ചു. 66 വയസ്സായിരുന്നു. കൊവിഡ് സ്ഥിരീകരിച്ച് മുംബൈയിലെ ആശുപത്രിയിൽ ചികിത്സയിൽ കഴിയവെയാണ് മരണം. മാഹിമിലെ എസ് എൽ റഹേജ ആശുപത്രിയിലായിരുന്നു ചികിത്സയിൽ കഴിഞ്ഞിരുന്നത്
സംഗീത സംവിധായക ജോഡിയായ നദീം-ശ്രാവൺ കൂട്ടുകെട്ടിലെയാളാണ് ശ്രാവൺ. ബോളിവുഡിൽ നിരവധി ഹിറ്റുകൾ സമ്മാനിച്ച ജോഡിയാണ് ഇവർ. 1990ൽ പുറത്തിറങ്ങിയ ആഷിഖി എന്ന ചിത്രമാണ് ഇവരെ ശ്രദ്ധേയമാക്കിയത്.
