ത്രിപുരയിൽ പശുമോഷണം ആരോപിച്ച് യുവാവിനെ തല്ലിക്കൊന്നു

പശുവിനെ മോഷ്ടിച്ചെന്നാരോപിച്ച് ത്രിപുരയിലെ സിഹാഹിജാലയിൽ യുവാവിനെ പശുക്രിമിനലുകളായ ഒരു സംഘം തല്ലിക്കൊന്നു. ബംഗ്ലാദേശ് അതിർത്തിക്ക് സമീപമുള്ള ഗൊരുർബന്ദിലാണ് സംഭവം.

മതിൻ മിയ എന്ന യുവാവാണ് കൊല്ലപ്പെട്ടത്. രണ്ട് പശുക്കളുമായി യുവാവിനെ പശുക്രിമിനലുകൾ പിടികൂടുകയായിരുന്നു. ക്രൂരമായി മർദനമേറ്റ മതിനെ മേലാഘറിലെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല

ബന്ധുക്കളുടെ പരാതിയിൽ രണ്ട് പേർക്കെതിരെ കൊലക്കുറ്റത്തിന് കേസെടുത്തു. തപൻ ഭൗമിക് എന്നയാളുടെ പരാതിയിന്മേൽ പശുക്കൾ മോഷണം പോയതിന് മറ്റൊരു കേസും രജിസ്റ്റർ ചെയ്തിട്ടുണ്ട്