ഡൽഹിയിൽ ആം ആദ്മി പാർട്ടി വീണ്ടും അധികാരത്തിലെത്തുമെന്ന് വിവിധ എക്‌സിറ്റ് പോൾ ഫലങ്ങൾ
Feb 8, 2020, 19:14 IST
ഡൽഹിയിൽ ആം ആദ്മി പാർട്ടി വീണ്ടും അധികാരത്തിലെത്തുമെന്ന് വിവിധ എക്‌സിറ്റ് പോൾ ഫലങ്ങൾ. ടൈംസ് നൗ, ന്യൂസ് എക്‌സ്, റിപബ്ലിക് ടിവി, ഇന്ത്യ ടി വി എല്ലാം ആംആദ്മി പാർട്ടി അധികാരത്തിൽ തിരിച്ചെത്തുമെന്നാണ് പറയുന്നത്.
ടൈംസ് നൗവിന്റെ എക്‌സിറ്റ് പോൾ ഫലമനുസരിച്ച് ആം ആദ്മി പാർട്ടി 44 സീറ്റുകൾ സ്വന്തമാക്കും. ബിജെപിക്ക് 26 സീറ്റുകൾ വരെയാണ് ടൈംസ് നൗ പ്രവചിക്കുന്നത്.
ന്യൂസ് എക്‌സ് ആം ആദ്മി പാർട്ടിക്ക് 50 മുതൽ 56 സീറ്റുകൾ വരെ പ്രവചിക്കുന്നു. ബിജെപിക്ക് 10 മുതൽ 14 സീറ്റ് വരെയും കോൺഗ്രസിന് പൂജ്യം മുതൽ 4 സീറ്റുകൾ വരെയും പ്രവചിക്കുന്നു
ഇന്ത്യ ടി വി ആം ആദ്മിക്ക് 44 സീറ്റും ബിജെപിക്ക് 26 സീറ്റും പ്രവചിക്കുന്നു. റിപബ്ലിക് ടിവി ആം ആദ്മിക്ക് 48 മുതൽ 61 സീറ്റ് വരെയും ബിജെപിക്ക് 9 മുതൽ 21 സീറ്റുകൾ വരെയും പ്രവചിക്കുന്നു.
