പി സി ചാക്കോ ഡൽഹി കോൺഗ്രസിന്റെ ചുമതലയിൽ നിന്നും രാജിവെച്ചു

ഡൽഹി കോൺഗ്രസിന്റെ ചുമതലയിൽ നിന്ന് മുതിർന്ന കോൺഗ്രസ് നേതാവ് പി സി ചാക്കോ രാജിവെച്ചു. നിയമസഭാ തെരഞ്ഞെടുപ്പിൽ കോൺഗ്രസിന് വലിയ തോൽവി ഏറ്റുവാങ്ങേണ്ടി വന്ന സാഹചര്യത്തിലാണ് രാജി

നേരത്തെ ഡൽഹി കോൺഗ്രസ് അധ്യക്ഷൻ സുഭാഷ് ചോപ്രയും രാജിവെച്ചിരുന്നു. പരാജയത്തിന്റെ ഉത്തരവാദിത്വമേറ്റെടുത്താണ് സുഭാഷ് ചോപ്രയും രാജിവെച്ചത്. ഇത്തവണ 4.27 ശതമാനം വോട്ട് മാത്രമാണ് കോൺഗ്രസിന് നേടാനായത്.

ആകെയുള്ള 70 സീറ്റുകളിൽ 63 ഇടത്തും കോൺഗ്രസ് സ്ഥാനാർഥികൾക്ക് കെട്ടിവെച്ച പൈസ പോലും നഷ്ടപ്പെട്ടിരുന്നു. അത്രയും കനത്ത ആഘാതമാണ് പാർട്ടിക്കുണ്ടായത്.