നിർഭയ കേസ്: പ്രതികളുടെ മരണ വാറണ്ട് പുറപ്പെടുവിക്കുന്നത് വീണ്ടും നീട്ടി

നിർഭയ കേസ് പ്രതികളുടെ മരണ വാറണ്ട് വ്യാഴാഴ്ച പുറപ്പെടുവിക്കില്ല. ഇതുസംബന്ധിച്ചുള്ള ഹർജി പരിഗണിക്കുന്നത് തിങ്കളാഴ്ചത്തേക്ക് മാറ്റി. സൂപ്രീം കോടതിയുടെ പരിഗണനയിൽ തങ്ങളുടെ ഹർജികളുണ്ടെന്നും സുപ്രീം കോടതി വെള്ളിയാഴ്ച ഈ ഹർജികൾ കേൾക്കുമെന്നും പ്രതികളുടെ അഭിഭാഷകർ അറിയിച്ചു.

മറ്റ് നിയമനടപടികൾ സ്വീകരിക്കണോ വേണ്ടയോ എന്ന കാര്യത്തിൽ പവൻ ഗുപ്ത ഇതുവരെ തീരുമാനമെടുത്തിട്ടില്ലെന്ന് പ്രതികളുടെ അഭിഭാഷകർ േേകാടതിയെ അറിയിച്ചു. ഇന്ന് മരണ വാറണ്ട് പുറപ്പെടുവിക്കുകയാണെങ്കിൽ സ്വാഭാവികമായും നീതിയുക്തമായ വിചാരണയും തുടർ നടപടികളും എന്ന അവകാശം ലംഘിക്കുന്നതിന് തുല്യമാണെന്നും പ്രതികൾ കോടതിയിൽ വാദിച്ചു