മുൻ ഐഎഎസ് ഉദ്യോഗസ്ഥൻ കാശ്മീരിൽ പൊതുസുരക്ഷാ നിയമപ്രകാരം അറസ്റ്റിൽ
Feb 15, 2020, 11:51 IST
മുൻ ഐ എ എസ് ഉദ്യോഗസ്ഥനും ജമ്മു കാശ്മീർ പീപ്പിൾസ് മൂവ്‌മെന്റ് പാർട്ടി പ്രസിഡന്റുമായ ഷാ ഫൈസലിനെ അറസ്റ്റ് ചെയ്തു. പൊതുസുരക്ഷാ നിയമപ്രകാരമാണ് അറസ്റ്റ്. വിചാരണ കൂടാതെ കാലങ്ങളോളം തടവിൽ പാർപ്പിക്കാൻ സാധിക്കുന്ന നിയമമാണിത്.
ഫാറൂഖ് അബ്ദുള്ള, ഉമർ അബ്ദുള്ള, മെഹ്ബൂബ മുഫ്തി തുടങ്ങിയ നേതാക്കൾക്കെതിരെ ഈ നിയമം നേരത്തെ തന്നെ ചുമത്തിയിരുന്നു. ക്രിമിനൽ ചട്ടം 107 പ്രകാരം കരുതൽ തടങ്കലിലാണ് ഷാ ഫൈസലിനെ പാർപ്പിച്ചിരിക്കുന്നത്.
