80 കോടി പാവപ്പെട്ടവര്ക്ക് നവംബര് വരെ സൗജന്യ ഭക്ഷ്യധാന്യങ്ങള് നല്കുമെന്ന് പ്രധാനമന്ത്രി
രാജ്യത്തെ പാവപ്പെട്ട 80 കോടി ആളുകള്ക്ക് വരുന്ന അഞ്ച് മാസത്തേക്ക് സൗജന്യമായി ഭക്ഷ്യധാന്യങ്ങള് നല്കുമെന്ന് പ്രധാനമന്ത്രി നരേന്ദ്രമോദി. പ്രധാനമന്ത്രി ഗരീബ് കല്യാണ് അന്ന യോജന നവംബര് അവസാനം വരെ ദീര്ഘിപ്പിക്കാന് തീരുമാനിച്ചതായി പ്രധാനമന്ത്രി വ്യക്തമാക്കി. രണ്ടാംഘട്ട ലോക്ക് ഡൗണ് ഇളവുകള് പ്രഖ്യാപിച്ചു കൊണ്ട് സംസാരിക്കുകയായിരുന്നു പ്രധാനമന്ത്രി
അഞ്ച് കിലോ അരി, ഒരു കിലോ പരിപ്പ് എന്നിവ സൗജന്യമായി ലഭിക്കുന്ന പദ്ധതി നവംബര് വരെ ദീര്ഘിപ്പിച്ചു. കൊവിഡ് മഹാമാരിയുടെ കാര്യത്തില് ലോകത്തെ മറ്റ് രാജ്യങ്ങളുമായി താരതമ്യം ചെയ്യുമ്പോള് ഇന്ത്യ ഇപ്പോഴും സ്ഥിരതയുള്ള അവസ്ഥയിലാണ്. ലോക്ക് ഡൗണ് പ്രഖ്യാപിച്ചതിലൂടെ ലക്ഷങ്ങളുടെ ജീവന് രക്ഷിക്കാന് സാധിച്ചു. രാജ്യമിപ്പോള് അണ്ലോക്ക് 2ലേക്ക് കടന്നിരിക്കുന്നു.
പനിയുടേയും ജലദോഷത്തിന്റെയും സമയമാണിത്. അതുകൊണ്ട് എല്ലാവരും ജാഗ്രത പാലിക്കണം. അണ്ലോക്ക് ആരംഭിച്ചപ്പോള് പലയിടത്തും ജാഗ്രതക്കുറവുണ്ടായി. ചടങ്ങള് പാലിക്കാന് എല്ലാവരും തയ്യാറാകണം. ജനങ്ങള് ജാഗ്രതക്കുറവ് കാട്ടരുതെന്നും പ്രധാനമന്ത്രി ആവശ്യപ്പെട്ടു.
ഒരു രാജ്യം ഒരു റേഷന് കാര്ഡ് എന്ന ലക്ഷ്യത്തിലേക്ക് രാജ്യം നടന്നടുക്കുന്നു. എത്രയും പെട്ടെന്ന് അതിലേക്ക് രാജ്യം എത്തിച്ചേരുമെന്നും പ്രധാനമന്ത്രി വ്യക്തമാക്കി.