ജീവനക്കാരന്റെ ബന്ധുവിന് കൊവിഡ്; മൈസൂര് കൊട്ടാരം അടച്ചു
ജീവനക്കാരില് ഒരാളുടെ ബന്ധുവിന് കൊവിഡ് സ്ഥിരീകരിച്ചതിന് പിന്നാലെ മൈസൂര് കൊട്ടാരം അടച്ചു. ശനിയാഴ്ചയും ഞായറാഴ്ചയും നടത്തുന്ന അണുനശീകരണ പ്രവര്ത്തനങ്ങള്ക്ക് ശേഷം തിങ്കളാഴ്ച കൊട്ടാരം തുറക്കും. കൊട്ടാരത്തില് സന്ദര്ശകര്ക്ക് കൊവിഡ് വ്യാപനത്തെ തുടര്ന്ന് നേരത്തെ വിലക്കിയിരുന്നു.
അതേസമയം ,ഇന്ത്യയിലെ കൊവിഡ് രോഗികളുടെ എണ്ണം എട്ട് ലക്ഷം പിന്നിട്ടു. ആരോഗ്യമന്ത്രാലയത്തിന്റെ പുതിയ കണക്കുകള് പ്രകാരം 8,20,916 പേര്ക്കാണ് രാജ്യത്ത് കൊവിഡ് സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 27,114 പേര്ക്ക് കൂടി കൊവിഡ് സ്ഥിരീകരിച്ചു. ഇതുവരെയുള്ളതില് ഏറ്റവുമുയര്ന്ന പ്രതിദിന വര്ധനവാണിത്.
2,83,407 പേരാണ് നിലവില് ചികിത്സയിലുള്ളത്. 5,15,386 പേര് രോഗമുക്തി നേടി. 24 മണിക്കൂറിനിടെ 519 പേര് കൂടി മരിച്ചതോടെ ആകെ മരണസംഖ്യ 22123 ആയി. രാജ്യത്തെ പരിശോധനകളുടെ എണ്ണം വര്ധിപ്പിച്ചതായും കേന്ദ്ര ആരോഗ്യ ന്ത്രാലയം അറിയിച്ചു