എന്‍ഡിഎ എന്നാല്‍ ‘നോ ഡേറ്റ അവയിലബിള്‍’; പരിഹാസവുമായി ശശി തരൂര്‍
ന്യൂഡല്‍ഹി: കര്‍ഷക ആത്മഹത്യ, ലോക്ഡൗണ്‍ കാലയളവില്‍ മരിച്ച കുടിയേറ്റ തൊഴിലാളികളുടെ എണ്ണം, കൊവിഡ് ബാധിച്ച് രാജ്യത്ത് മരിച്ച ആരോഗ്യപ്രവര്‍ത്തകര്‍ എന്നീ ചോദ്യങ്ങള്‍ക്ക് വിവരങ്ങള്‍ ലഭ്യമല്ലെന്നായിരുന്നു കേന്ദ്രസര്‍ക്കാര്‍ പാര്‍ലമെന്റില്‍ മറുപടി നല്‍കിയത്.
ഈ സാഹചര്യത്തില്‍ കേന്ദ്രസര്‍ക്കാരിനെ പരിഹസിച്ച് രംഗത്തെത്തിയിരിക്കുകയാണ് ശശി തരൂര്‍ എംപി. എന്‍ഡിഎ എന്നാല്‍ ‘നോ ഡേറ്റ് അവയിലബിള്‍’ എന്നാണ് തരൂര്‍ ട്വിറ്ററിലൂടെ നല്‍കിയ ‘നിര്‍വചനം’.
No #data on migrant workers, no data on farmer suicides, wrong data on fiscal stimulus, dubious data on #Covid deaths, cloudy data on GDP growth — this Government gives a whole new meaning to the term #NDA! pic.twitter.com/SDl0z4Hima
— Shashi Tharoor (@ShashiTharoor) September 22, 2020
കുടിയേറ്റ തൊഴിലാളികളെ കുറിച്ച് വിവരമില്ല, കര്‍ഷക ആത്മഹത്യയെക്കുറിച്ചും വിവരമില്ല, ധനസ്ഥിതി സംബന്ധിച്ചുള്ളത് തെറ്റായ വിവരങ്ങള്‍, കൊവിഡ് മരണം സംബന്ധിച്ചും സംശയാസ്പദ വിവരങ്ങള്‍, ജിഡിപി വളര്‍ച്ച സംബന്ധിച്ചും വ്യക്തതയില്ല. ഈ സര്‍ക്കാര്‍ എന്‍ഡിഎ എന്നതിന് പുതിയ അര്‍ത്ഥം നല്‍കുന്നു’-കാര്‍ട്ടൂണ്‍ പങ്ക് വച്ച് തരൂര്‍ ട്വീറ്റ് ചെയ്തു.
