കൊവിഡിന്റെ വകഭേദം ഇന്ത്യയിൽ സ്ഥിരീകരിച്ചു; വൈറസ് ബാധ ആറ് പേർക്ക്

ജനിതക മാറ്റം വന്ന കൊവിഡ് വൈറസ് രാജ്യത്താദ്യമായി സ്ഥിരീകരിച്ചു. യുകെയിൽ നിന്ന് തിരികെ എത്തിയ ആറ് പേരുടെ സാമ്പിളുകളിലാണ് പുതിയ കൊറോണ വൈറസ് വകഭേദം കണ്ടെത്തിയിരിക്കുന്നത്.

ബാംഗ്ലൂരിൽ നിഹാംസിൽ ചികിത്സയിലുള്ള മൂന്ന് പേർക്കും ഹൈദരാബാദ് സിസിഎംബിയിൽ ചികിത്സയിലുള്ള രണ്ട് പേർക്കും പൂനെയിൽ ചികിത്സയിലുള്ള ഒരാൾക്കുമാണ് വകഭേദമുള്ള വൈറസ് ബാധിച്ചതായി സ്ഥിരീകരിച്ചത്.

പൂനെ വൈറോളജി ഇൻസ്റ്റിറ്റ്യൂട്ടിൽ നടത്തിയ പരിശോധനയിലാണ് വൈറസ് വകഭേദം കണ്ടെത്തിയത്. യുകെയിലാണ് കൊവിഡിന്റെ വകഭേദം ആദ്യം റിപ്പോർട്ട് ചെയ്തത്. പിന്നാലെ യുകെയിൽ നിന്ന് വരുന്നവരെ പ്രത്യേകമായി പരിശോധിച്ചിരുന്നു.