നിയമങ്ങൾ പിൻവലിക്കാതെ വീട്ടിലേക്ക് മടങ്ങില്ലെന്നാണ് മുദ്രവാക്യം: രാകേഷ് ടിക്കായത്ത്
കാർഷിക നിയമങ്ങൾ പിൻവലിക്കാൻ തയ്യാറായില്ലെങ്കിൽ കർഷക സമരം അടുത്ത കാലത്തൊന്നും അവസാനിക്കില്ലെന്ന് ഭാരതീയ കിസാൻ യൂനിയൻ നേതാവ് രാകേഷ് ടിക്കായത്ത്. സമരം അടുത്ത കാലത്തൊന്നും അവസാനിക്കാൻ പോകുന്നില്ല. നിയമം പിൻവലിച്ചില്ലെങ്കിൽ വീട്ടിലേക്ക് മടക്കമില്ലെന്നതാണ് ഞങ്ങളുടെ മുദ്രാവാക്യമെന്നും രാകേഷ് ടിക്കായത്ത് പറഞ്ഞു
പ്രക്ഷോഭം ഒക്ടോബറിന് മുമ്പ് അവസാനിക്കില്ല. സമരം ചെയ്യുന്ന കർഷകർക്കെതിരായ പോലീസിന്റെയും ഭരണകൂടത്തിന്റെയും പീഡനം അവസാനിപ്പിക്കുകയും തടവിലാക്കിയ കർഷകര മോചിപ്പിക്കാൻ തയ്യാറാകുകയും ചെയ്തില്ലെങ്കിൽ സർക്കാരുമായി ഇനിയൊരു ഔപചാരിക ചർച്ചക്ക് തയ്യാറല്ലെന്നും സംയുക്ത കിസാൻ മോർച്ച പറഞ്ഞു.
ഇന്റർനെറ്റ് സേവനങ്ങൾ അവസാനിപ്പിക്കുന്നതും ബിജെപി ആർ എസ് എസ് പ്രവർത്തകരെ ഉപയോഗിച്ച് അക്രമങ്ങൾ സംഘടിപ്പി്കകുന്നതും കർഷകർക്കെതിരായി ഭരണകൂടം നടത്തുന്ന അക്രമങ്ങളുടെ ഭാഗമാണ്. കർഷകർക്കെതിരായ പോലീസിന്റെയും ഭരണകൂടത്തിന്റെയും പീഡനം അവസാനിപ്പിക്കാതെ ഔപചാരിക ചർച്ചക്ക് തയ്യാറല്ലെന്നും സംയുക്ത കിസാൻ മോർച്ച അറിയിച്ചു.
