പശു ശാസ്ത്ര പരീക്ഷ നടത്തണമെന്ന് യുജിസി; റേഡിയേഷനിൽ നിന്ന് രക്ഷനേടാൻ ചാണകം ബെസ്റ്റാണെന്ന് സ്റ്റഡി മെറ്റീരിയൽ

പശുശാസ്ത്ര പരീക്ഷ നടത്താൻ വൈസ് ചാൻസലർമാർക്ക് യുജിസിയുടെ നിർദേശം. ഈ മാസം അവസാനം പരീക്ഷ നടത്താനാണ് ആവശ്യം. ഇന്ത്യയിലെയും റഷ്യയിലെയും ന്യൂക്ലിയർ സെന്ററുകളിൽ റേഡിയഷനിൽ നിന്ന് രക്ഷ നേടാൻ പശുവിന്റെ ചാണകമാണ് ഉപയോഗിക്കുന്നതെന്നും പരീക്ഷക്കുള്ള സ്റ്റഡി മെറ്റീരിയലിൽ പറയുന്നു

പശു ഗുണങ്ങൾ വർണിക്കുന്നതാണ് പരീക്ഷക്കുള്ള സ്റ്റഡി മെറ്റീരിയർ. ആണവ വികിരണങ്ങളിൽ നിന്ന് രക്ഷപ്പെടാൻ ചാണകം കവചമായി ഉപയോഗിക്കാം. ഭോപ്പാലിൽ അണുവികിരണം ഉണ്ടായപ്പോൾ ചാണകം ഉപയോഗിച്ച് നിരവധി പേർ രക്ഷപ്പെട്ടു. പ്രാദേശിക പശുക്കളുടെ പാൽ മഞ്ഞയായി കാണുന്നത് ഇതിൽ സ്വർണമുള്ളതിനാലാണ്.

ഭൂകമ്പം ഉണ്ടാകുന്നത് പശുക്കളെ കൊല്ലുന്നതു കൊണ്ടാണെന്നും സ്റ്റഡി മെറ്റീരിയലിൽ പറയുന്നു. രാഷ്ട്രീയ കാമധേനു അഭിയാന്റെ നേതൃത്വത്തിലാണ് പരീക്ഷകൾ സംഘടിപ്പിക്കുന്നത്. ഈ പരീക്ഷകൾ എല്ലാ യൂനിവേഴ്‌സിറ്റികളിലും നടത്താനാണ് യുജിസി നിർദേശം.