പ്രധാനമന്ത്രിയെ കാണ്മാനില്ല..! കോവിഡ് ഭീതിക്കിടെ ട്രെൻഡായി ‘വേർ ഈസ് പി.എം’

Share with your friends

കോവിഡ് വ്യാപന നിരക്ക് കുത്തനെ ഉയരുന്നതിനിടെ പ്രധാനമന്ത്രിയെ അന്വേഷിച്ച് സോഷ്യൽ മീഡിയ. ‘വേർ ഈസ് പി.എം’ എന്ന ഹാഷ് ടാ​ഗാണ് ഇപ്പോൾ ട്വിറ്ററിൽ ട്രെൻഡായി മാറിയിരിക്കുന്നത്.

രാജ്യത്ത് കോവിഡ് കേസുകളുടെ എണ്ണത്തില്‍ വന്‍ വര്‍ധനവാണ് കഴിഞ്ഞ ദിവസങ്ങളില്‍ റിപ്പോര്‍ട്ട് ചെയ്തത്. ഈ വർഷം ജനുവരിയിൽ പതിനായിരത്തിൽ താഴെ കോവി‍ഡ് കേസുകൾ റിപ്പോർട്ട് ചെയ്തിരുന്നിടത്ത് നിന്ന്, രണ്ട് ലക്ഷം പ്രതിദിന കോവിഡ് കേസുകളാണ് രാജ്യത്തിപ്പോൾ റിപ്പോർട്ട് ചെയ്യുന്നത്. എന്നാൽ കോവിഡ് പ്രതിരോധത്തിന് വേണ്ട നടപടികൾ സ്വീകരിക്കുന്നതിൽ കേന്ദ്രസർക്കാറിന്റെ ഭാ​ഗത്ത് നിന്ന് ഗുരുതരമായ വീഴ്ച്ചയുണ്ടായെന്നാണ് പ്രതിപക്ഷം ആരോപിക്കുന്നത്.

രാജ്യം അടിയന്തര പ്രധാന്യത്തോടെ കോവിഡിനെ പ്രതിരോധിക്കേണ്ട ഘട്ടത്തിൽ പ്രധാനമന്ത്രിയും സർക്കാരും ആളെ കൂട്ടിയുള്ള തെരഞ്ഞെടുപ്പ് പ്രചാരണത്തിലാണെന്ന് കോൺ​ഗ്രസ് കുറ്റപ്പെടുത്തി. മോദി സര്‍ക്കാരിനെ കൊണ്ട് കഴിയില്ല (#ModiGovtSeNaHoPayega) എന്ന ഹാഷ് ടാഗും ഇതിനിടെ ട്രെന്‍ഡിങ്ങായിട്ടുണ്ട്.

പ്രധാനമന്ത്രിയെ കണ്ടെത്തുന്നവർക്ക് പതിനഞ്ച് ലക്ഷം രൂപ ഇനാം പ്രഖ്യാപിച്ചവരുമുണ്ട് കൂട്ടത്തില്‍. പ്രധാനമന്ത്രി ഉത്തരവാദിത്തത്തിൽ നിന്ന് ഒളിച്ചോടിയെന്ന് പരിഹസിച്ചുള്ള ട്രോളുകളും ഇതിനോടകം പുറത്ത് വന്നിട്ടുണ്ട്.

-

ഞങ്ങളുടെ വാർത്തകൾ നിങ്ങളുടെ വാട്‌സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

-

-


Nishikanth padoor വന്ധ്യതയ്ക്ക് പാരമ്പര്യ നാട്ടുചികിത്സയുമായി വൈദ്യരത്നം നിഷികാന്ത് പാടൂർ

-


Nikahinkerala ഇസ്ലാമിക താൽപര്യങ്ങൾക്ക് ഇണങ്ങുന്ന അനുയോജ്യമായ ഇണയെ അതിവേഗം കണ്ടെത്താം

-


digital marketing സോഷ്യൽ മീഡിയയിൽ പരസ്യം നൽകൂ; നിങ്ങളുടെ ബിസിനസ് വളർത്തൂ

-


Image One സംരംഭകര്ക്കുള്ളതെല്ലാം ഇനി ഒരു കുടക്കീഴില്; കമ്പനി രെജിസ്ട്രേഷന് മുതല് വെബ്സൈറ്റ് വരെ!!