പെൺകുട്ടിയെ ഉപദ്രവിക്കുന്നത് തടഞ്ഞു; ഹരിയാനയിൽ ബോക്‌സറെ കുത്തിക്കൊന്നു
Jun 9, 2021, 15:31 IST
ഹരിയാനയിൽ ബോക്‌സറെ കുത്തിക്കൊന്നു. പെൺകുട്ടിയെ ഉപദ്രവിക്കുന്നത് തടയാൻ ശ്രമിച്ചതിനാണ് 24കാരനായ കാമേഷ് കൊല്ലപ്പെട്ടത്. റോത്തക്കിലെ റസിഡൻഷ്യൽ കോളനിയിലാണ് സംഭവം
12 വയസുകാരിയെ ഉപദ്രവിക്കാൻ ശ്രമിച്ച യുവാവിനെ തടയാൻ ശ്രമിച്ചതിനിടെയാണ് സംഭവം. കൊല്ലപ്പെട്ട കാമേഷ് മുമ്പ് മോഡലിങ്ങ്, അഭിനയ രംഗത്തുമുണ്ടായിരുന്നു.
തേജ് കോളനിയിൽ ബന്ധുവിനെ സന്ദർശിക്കാൻ പോകുകയായിരുന്നു കാമേഷ്. ഇതിനിടെ യുവാവ് പെൺകുട്ടിയെ ഉപദ്രവിക്കുന്നത് ശ്രദ്ധയിൽ പെടുകയും കാമേഷ് യുവാവിനെ താക്കീത് ചെയ്യുകയും ചെയ്തു. തൊട്ടുപിന്നാലെ പ്രതി കത്തിയെടുത്ത് കുത്തുകയായിരുന്നു.
