രാജ്യത്ത് 24 മണിക്കൂറിനിടെ 60,753 പേർക്ക് കൊവിഡ്; 1647 പേർ മരിച്ചു
Jun 19, 2021, 10:30 IST
രാജ്യത്ത് കൊവിഡ് വ്യാപനത്തിന്റെ രൂക്ഷത പതിയെ ശമിക്കുന്നു. കഴിഞ്ഞ 24 മണിക്കൂറിനിടെ 60,753 പേർക്ക് കൊവിഡ് സ്ഥിരീകരിച്ചു. 1647 പേർ മരിച്ചു. 24 മണിക്കൂറിനിടെ 97,743 പേർ രോഗമുക്തി നേടുകയും ചെയ്തു
രാജ്യത്തെ രോഗവ്യാപന നിരക്ക് അഞ്ച് ശതമാനത്തിൽ താഴെയെത്തി. രോഗമുക്തി നിരക്ക് 96.16 ശതമാനമായി ഉയരുകയും ചെയ്തു. നിലവിൽ 7,60,019 പേരാണ് ചികിത്സയിൽ കഴിയുന്നത്. രാജ്യത്തെ ആകെ കൊവിഡ് മരണം 3,85,137 ആയി.
