രണ്ടും മൂന്നും വള്ളങ്ങളിൽ ഒരേ സമയം കാൽ വെക്കരുത്; ശരദ് യാദവിനെതിരെ സഞ്ജയ് റാവത്ത്

എൻസിപി അധ്യക്ഷൻ ശരദ് പവാറിനെതിരെ ശിവസേന ഉദ്ദവ് വിഭാഗം നേതാവ് സഞ്ജയ് റാവത്ത്. രണ്ടും മൂന്നും വള്ളങ്ങളിൽ ഒരേ സമയം കാൽ വെക്കുന്നവർക്ക് ജനങ്ങൾ മറുപടി നൽകുമെന്ന് റാവത്ത് പരിഹസിച്ചു. എൻ സി പി പിളർന്നിട്ടില്ലെന്നും അജിത് പവാർ തങ്ങളുടെ നേതാവാണെന്നും ശരദ് പവാർ കഴിഞ്ഞ ദിവസം മാധ്യമങ്ങളോട് പറഞ്ഞിരുന്നു. 

എൻസിപി അണികളിലും സഖ്യകക്ഷികളിലും ദേശീയ പ്രതിപക്ഷ കൂട്ടായ്മയായ ഇന്ത്യ മുന്നണിയിലും ശരദ് പവാർ ആശയക്കുഴപ്പമുണ്ടാക്കുന്നുവെന്ന പരാതിക്ക് പിന്നാലെയാണ് സഞ്ജയ് റാവത്തിന്റെ വിമർശനം. എൻസിപി പിളർപ്പുണ്ടോ ഇല്ലയോ എന്ന് ജനങ്ങൾക്ക് വ്യക്തമായി അറിയാം. എന്റെ അറിവിൽ പിളർന്നിട്ടുണ്ട്. ഒരു വിഭാഗത്തിന്റെ സംസ്ഥാന അധ്യക്ഷൻ ജയന്ത് പാട്ടീലും വിമത വിഭാഗത്തിന്റെ സംസ്ഥാന അധ്യക്ഷൻ സുനിൽ തത്കരയുമാണ്. ഇത് പിളർപ്പല്ലെന്ന് എങ്ങനെ വ്യാഖ്യാനിക്കുമെന്നും സഞ്ജയ് റാവത്ത് ചോദിച്ചു.