കാശ്മീരിൽ ആറാം ദിവസവും ഏറ്റുമുട്ടൽ തുടരുന്നു; വനത്തിൽ നിന്ന് കത്തിക്കരിഞ്ഞ മൃതദേഹം കണ്ടെത്തി

ജമ്മു കാശ്മീരിലെ അനന്ത്‌നാഗ് ജില്ലയിലെ ഗരോൾ വനമേഖലയിൽ ഒളിച്ചിരിക്കുന്ന ഭീകരരെ പിടികൂടാനുള്ള സുരക്ഷാ സേനയുടെ തെരച്ചിൽ ആറാം ദിവസത്തിലേക്ക്. ഒളിത്താവളത്തിന് സമീപത്ത് നിന്നും കത്തിക്കരിഞ്ഞ നിലയിലുള്ള മൃതദേഹം സുരക്ഷാ സേന കണ്ടെടുത്തു. വസ്ത്രത്തിന്റെ രീതി വെച്ച് മൃതദേഹം ഭീകരരുടേതെന്നാണ് സംശയിക്കുന്നത്

ഭീകരർ ജനവാസ മേഖലകളിലേക്ക് കടക്കാതിരിക്കാനായി കൂടുതൽ ഗ്രാമങ്ങളിൽ സുരക്ഷ ശക്താക്കി. വനത്തിൽ ഗുഹ പോലെയുള്ള ഒളിത്താവളങ്ങളുണ്ടെന്നും ഡ്രോണുകൾ ഉപയോഗിച്ച് ഇവയുടെ സ്ഥാനം തിരയുകയാണെന്നും സുരക്ഷാ സേന അറിയിച്ചു. 

രണ്ടിലധികം ഭീകരർ വനത്തിലുണ്ടാകുമെന്നാണ് സംശയിക്കുന്നത്. ബുധനാഴ്ച നടന്ന ഏറ്റുമുട്ടലിൽ ഒരു കേണലടക്കം രണ്ട് കരസേനാ ഓഫീസർമാരും ജമ്മു കാശ്മീർ പോലീസിലെ ഡി എസ് പിയും ഒരു ജവാനും വീരമൃത്യു വരിച്ചിരുന്നു.