ഗുജറാത്തിലെ കെമിക്കൽ ഫാക്ടറിയിൽ വിഷവാതക ചോർച്ച; 28 തൊഴിലാളികൾ ആശുപത്രിയിൽ

ഗുജറാത്തിൽ വാതക ചോർച്ച. ബറൂച്ച് ജില്ലയിലെ ജംബുസാറിനടുത്തുള്ള കെമിക്കൽ ഫാക്ടറിയിലാണ് സംഭവം. വിഷവാതകം ശ്വസിച്ച് 28 പേരെ ആശുപത്രിയിൽ പ്രവേശിപ്പിച്ചു. സരോദ് ഗ്രാമത്തിലെ പിഐ ഇൻഡസ്ട്രീസിലാണ് വാതക ചോർച്ചയുണ്ടായത്. ഫാക്ടറിയിലെ ഒരു ടാങ്കിന് തീപിടിച്ചതിനെ തുടർന്ന് ബ്രോമിൻ വാതകം ചോരുകയായിരുന്നു. 

അപകടസമയത്ത് രണ്ടായിരത്തോളം തൊഴിലാളികളാണ് ഫാക്ടറിയിലുണ്ടായിരുന്നത്. എല്ലാവരെയും സുരക്ഷിതമായി ഒഴിപ്പിച്ചതായി പോലീസ് അറിയിച്ചു. ടാങ്കിന് സമീപത്തുണ്ടായിരുന്ന തൊഴിലാളികളെയാണ് ആശുപത്രിയിൽ പ്രവേശിപ്പിച്ചത്.