'കിരൺ റിജിജു പ്രണയ ദിനത്തിൽ പശുവിനെ കെട്ടിപ്പിടിക്കുമോ'; ചോദ്യവുമായി കോൺ​ഗ്രസ് നേതാവ് സച്ചിൻ സാവന്ത്

മുബൈ: പ്രണയ ദിനമായ ഫെബ്രുവരി 14 കൗ ഹഗ് ഡേയായി ആചരിക്കണമെന്ന കേന്ദ്ര മൃഗ സംരക്ഷണ ബോർഡിന്‍റെ തീരുമാനത്തിനെതിരെ കോൺഗ്രസ് നേതാവ്. കേന്ദ്ര മന്ത്രി കിരൺ റിജിജു പ്രണയ ദിനത്തിൽ പശുവിനെ കെട്ടിപ്പിടിക്കമോ എന്നായിരുന്നു മഹാരാഷ്ട്ര കോൺഗ്രസ് വക്താവായ സച്ചിൻ സാവന്തിന്‍റെ ചോദ്യം. 

വടക്കു കിഴക്കൻ സംസ്ഥാനങ്ങളിലും ഗോവയിലുമൊക്കെ കൗ ഹഗ് ഡേ ആണോ നടക്കുന്നതെന്നും സില്ലി സൗളിൽ അന്ന് പ്രത്യേക ആഘോഷങ്ങൾ നടക്കുമോ എന്നും അദ്ദേഹം ചോദിച്ചു. വടക്കുകിഴക്കൻ സംസ്ഥാനമായ അരുണാചൽ പ്രദേശിൽനിന്നുള്ള കേന്ദ്രമന്ത്രിയാണ് കിരൺ റിജിജു. ഫെബ്രുവരി 14 കൗ ഹഗ് ഡേ ആക്കണെമന്ന കേന്ദ്രത്തിന്‍റെ സർക്കുലർ ഇറങ്ങിയതിനു പിന്നാലെയാണ് കോൺഗ്രസ് നേതാവിന്‍റെ പരിഹാസം. 

ലോ​കം പ്ര​ണ​യ ദി​ന​മാ​യി ആ​ച​രി​ക്കു​ന്ന ഫെ​ബ്രു​വ​രി 14 'പ​ശു ആ​ലിം​ഗ​ന ദി​ന'​മാ​യി ആ​ച​രി​ക്കാ​ൻ കേ​ന്ദ്ര മൃ​ഗ​സം​ര​ക്ഷ​ണ ബോ​ർ​ഡി​ന്‍റെ അ​ഭ്യ​ർ​ഥ​ന ഇന്നലെ പുറത്തിറങ്ങിയിരുന്നു. മൃ​ഗ​ങ്ങ​ളോ​ടു​ള്ള അ​നു​ക​മ്പ വ​ള​ര്‍ത്തു​ന്ന​തി​ന് വേ​ണ്ടി​യാ​ണ് ഇ​ങ്ങ​നെ ഒ​രു ദി​നം ആ​ച​രി​ക്കു​ന്ന​തെ​ന്നാ​ണ് കേ​ന്ദ്രം ന​ല്‍കു​ന്ന വി​ശ​ദീ​ക​ര​ണം. ഇ​ന്ത്യ​ന്‍ സ​മ്പ​ദ് വ്യ​വ​സ്ഥ​യു​ടെ​ ന​ട്ടെ​ല്ലാ​ണ് പ​ശു. പാ​ശ്ചാ​ത്യ സം​സ്‌​കാ​ര​ത്തി​ന്‍റെ അ​തി​പ്ര​സ​രം ഇ​ന്ത്യ​ന്‍ സ​മൂ​ഹ​ത്തി​ലു​ണ്ടെ​ന്നും മൃ​ഗ സം​ര​ക്ഷ​ണ ബോ​ര്‍ഡ് പറയുന്നു. കേ​ന്ദ്ര മൃ​ഗ സം​ര​ക്ഷ​ണ വ​കു​പ്പി​ന്‍റെ അ​നു​മ​തി​യോ​ടെ​യാ​ണ്  ഉ​ത്ത​ര​വ് പു​റ​പ്പെ​ടു​വി​ച്ചി​രി​ക്കു​ന്ന​ത്.