ഇന്ദ്രധനുസ്സ് : ഭാഗം 8
Jun 30, 2020, 17:18 IST
നോവൽ
******
എഴുത്തുകാരി: ബിജി
രണ്ടും പേർക്കം ശ്വാസം നിലയ്ക്കുന്ന അവസ്ഥയിൽ ചുണ്ടുകൾ വേർപെട്ടു…..
രണ്ടു ഹൃദയങ്ങളും അനിർവചനീയമായ അവസ്ഥയിലായിരുന്നു’
യദു പെട്ടെന്ന് ഇന്ദ്രനിൽ നിന്നു പിടഞ്ഞുമാറി
ഇന്ദ്രനും ചകിതനായി
മോശം താനിത്രയും അധoപതിച്ചോ
തന്നെ മാത്രം വിശ്വസിച്ചു വന്ന പെണ്ണിനെ
ഇന്ദ്രന് എന്തു ചെയ്യണമെന്നറിയാതെ അവളെ നോക്കി
യദു മുഖം ഉയർത്താതെ ഇരിക്കുന്നു കണ്ണുനീർത്തുള്ളികൾ ഇറ്റിറ്റു വീഴുന്നു.
അതുകൂടി കണ്ടപ്പോൾ അവൻ തകർന്നു
താനെന്തേ ഇങ്ങനെയായി…
അമ്മ കഴിഞ്ഞ് തന്നെ ഇത്രയും സ്നേഹിച്ച ആരും ജീവിതത്തിൽ ഉണ്ടായിട്ടില്ല.
അവൾ ചോറൂട്ടിയപ്പോൾ അടുത്തിരുന്നപ്പോൾ ആരിൽ നിന്നും ലഭിക്കാത്ത സ്നേഹത്തിൽ ഒരു മാത്ര പതറി…
