നിഴലായ് മാത്രം : ഭാഗം 29
Jun 30, 2020, 10:01 IST
നോവൽ
എഴുത്തുകാരി: സേഷ്മ ധനേഷ്
അഞ്ചു നിമിഷം തികയും മുന്നേ ബാലു കാറുമായി പടിക്കൽ എത്തിയിരുന്നു. അവൻ ഓടികിതച്ചു മുറിയിലേക്ക് ചെല്ലുമ്പോൾ രാധാകൃഷ്ണനെ താങ്ങി പിടിച്ചു കരയുന്ന ഉണ്ണിയെയാണ് കണ്ടത്…
അവൻ ഒറ്റക്കു തന്നെ അയാളെ കോരിയെടുത്തു കാറിൽ കിടത്തി. വാതിൽ പൂട്ടാനൊന്നും നിൽക്കാതെ അയാളെയും കൊണ്ടു ബാലു ഹോസ്പിറ്റലിലേക്ക് കുതിച്ചു.
സ്ട്രെച്ചറിൽ രാധാകൃഷ്ണനെ കിടത്തി കാഷ്യലിറ്റിയിലേക്കു കൊണ്ടുപോകുമ്പോൾ അയാൾ ശ്വാസമെടുക്കാൻ വല്ലാതെ ബുദ്ധിമുട്ടുന്നുണ്ടായിരുന്നു. അയാളുടെ ഒരു കൈ ബാലുവിലും മറ്റൊരു കൈ ഉണ്ണിമായയിലും അമർന്നിരുന്നു.