ശിവപ്രിയ : ഭാഗം 8
Jun 30, 2020, 17:34 IST
നോവൽ
******
എഴുത്തുകാരി: ശിവ എസ് നായർ
“എന്റെ ശിവയെ ക്രൂരമായി കൊന്നിട്ട് ഇപ്പൊ വല്ലവളെയും എന്റെ തലയിൽ കെട്ടി വയ്ക്കാൻ നോക്കുന്നോ…??
ഈ കൈ കൊണ്ട് തലയ്ക്കു അടിച്ചു വീഴ്ത്തി എന്നെ കൊല്ലാനും നിങ്ങൾ ശ്രമിച്ചതല്ലേ…?? അന്ന് എന്നെ അടിച്ചു വീഴ്ത്തുമ്പോൾ ഈ നക്ഷത്ര പതക്കം ഞാൻ കണ്ടിരുന്നു… ”
ഒറ്റ കുതിപ്പിന് രാമന്റെ കഴുത്തിൽ കുത്തി പിടിച്ചു ചുമരിൽ ചേർത്ത് നിർത്തി വൈശാഖ് മുരണ്ടു.
അവൻ പറഞ്ഞത് കേട്ട് രാമനും പുറത്തു എല്ലാം കേട്ടു കൊണ്ട് നിന്ന ദേവിയും ശക്തമായി ഞെട്ടി.
“ഈശ്വരാ രാമേട്ടൻ ആണോ ഇതിന്റെയൊക്കെ പിന്നിൽ….ഒരു ഉറുമ്പിനെ പോലും നോവിക്കാത്ത രാമേട്ടന് ഇത്രയ്ക്കും ക്രൂരനാവാൻ കഴിയുമോ…?? ” ദേവി നടുങ്ങി തരിച്ചു നിന്നു.
