ജീവാംശമായ് : ഭാഗം 9
Jul 1, 2020, 17:24 IST
നോവൽ
******
എഴുത്തുകാരി: അനന്യ ആദി
“എനിക്ക്‌ തണുക്കുന്നു…. അമ്മക്കും തണുക്കുന്നുണ്ടായിരുന്നു…..” അത് പറയുമ്പോൾ എന്റെ ചുണ്ടുകൾ വിറക്കുന്നുണ്ടായിരുന്നു…. വീണ്ടും കണ്ണടയുന്നു…. ഇടക്കെപ്പോളോ ശരത്തേട്ടൻ എന്നെ പൊതിഞ്ഞു പിടിക്കുന്നത് ഞാൻ അറിഞ്ഞു … ആ ചൂട് എന്നിൽ നിറഞ്ഞു….
പിന്നീട് ആണ് അറിഞ്ഞത് അച്ഛമ്മക്കും വയ്യാതായി…. അടുത്ത റൂമിൽ അച്ഛമ്മയും ഉണ്ടായിരുന്നു…
വീട്ടിൽ വന്നിട്ടും ആരോടും സംസാരിക്കാൻ തോന്നിയില്ല…. ഉള്ളിൽ നിസ്സംഗത നിറഞ്ഞു…
മുറിയിൽ നിന്നും കുറച്ചു ദിവസത്തേക്ക് പുറത്തിറങ്ങിയതെയില്ല….
അച്ചുവും അഞ്ജുവും എന്നെ ചിരിപ്പിക്കാൻ ശ്രമിക്കുന്നു…. പക്ഷെ മനസ്സറിഞ്ഞു ചിരിക്കാൻ കഴിയുന്നില്ല…
എല്ലാവരും മത്സരിച്ചു സ്നേഹിക്കുന്നു
ഭക്ഷണം പോലും വേണമെന്നില്ല… മനസും ശരീരവും മരവിച്ച അവസ്‌ഥ… സ്നേഹിക്കാൻ ഒരുപാട് പേർ ചുറ്റും ഉണ്ടായിട്ടും ഒറ്റപ്പെട്ട് പോയത് പോലെ..
