നീർക്കുമിളകൾ: ഭാഗം 15
Jul 7, 2020, 15:20 IST
നോവൽ
എഴുത്തുകാരി: ശക്തി കല ജി
ശരത്ത് അടുത്തേക്ക് വന്നതും അവൾ നെഞ്ചോരം ചേർന്ന് നിന്ന്…
” ശരത്തേട്ടന്റെ ജീവിത സ്വപ്നങ്ങളിൽ നിറം പകരാൻ ഞാനെത്രത്തോളം ആഗ്രഹിക്കുന്നുണ്ടെന്ന് എനിക്ക് തന്നെ അറിയില്ല “… അവളുടെ വാക്കുകൾ അവളുടെ സ്വപ്നങ്ങളിലേക്കിറങ്ങി ചെല്ലുവാൻ പ്രേരിപ്പിച്ചു…..
അവൻ അവളുടെ വലത് കരം കവർന്നു തന്റെ ചുണ്ടിന്റെ അടുത്തേക്ക് ഉയർത്തി….
വലത് കൈയ്യിലെ മുറിവ് കെട്ടി വച്ചിരിക്കുന്നത് കണ്ടപ്പോൾ അവന്റെ ഹൃദയം തേങ്ങി…..
ഒരിക്കലും അവളെ നഷ്ടപ്പെടുത്തില്ല എന്ന ഉറപ്പോടെ ആ മുറിവിൽ മൃദുവായ് ചുംബിച്ചു….
അവന്റെ ഹൃദയത്തോട് ചേർന്ന് നിൽക്കുമ്പോൾ ചുറ്റിനുമുള്ള സർവ്വവും അവൾ മറക്കുന്നതറിഞ്ഞു…..
