ആഇശ: ഭാഗം 5
Jul 10, 2020, 19:45 IST
നോവൽ
******
എഴുത്തുകാരൻ: Anush. A. Azeez
വെളുപ്പാൻ കാലം 3 മണിയോടെ സാല വീട് വിട്ട് പോയത് .ഞാൻ കുളിമുറിയിൽ കയറി ശവറിനടിയിൽ നിന്നു കുറേ നേരം .എന്റെ മനസ്സിലെ വിങ്ങലുകളിൽ ഞാൻ പൊട്ടി പൊട്ടി കരയുകയായിരുന്നു .
ആ കണ്ണീർ തുള്ളികളെ ശവറിൽ നിന്ന് ശക്തിയായി വീഴുന്ന വെള്ളത്തുള്ളികൾക്കൊപ്പം എനിക്ക് പോലും തിരിച്ചറിയുവാനായില്ല .
ഒന്നും സംഭവിക്കാത്ത മട്ടിൽ രാവിലെ സൂപ്പർമാർക്കറ്റിൽ എത്തി .
കയ്യിൽ കരുതിയിരുന്ന എഴുപതിനായിരം ദിർഹം മേശപ്പുറത്ത് ആ കെട്ടോടെ വെച്ചു .
സാം എന്നെ അന്തം വിട്ട പോലെ എന്നെ തന്നെ നോക്കി നിന്നു .എന്ത് പറ്റി മാഡം ? എന്ത് പറ്റാൻ ഈ കാശിൽ നിന്ന് അമ്പതിനായിരം എണ്ണി മാറ്റൂ സാം .
