നല്ല പാതി : ഭാഗം 20
Jul 11, 2020, 11:52 IST
നോവൽ
*******
എഴുത്തുകാരി: ധന്യ സുജിത്ത്‌
ദേഷ്യത്തോടെ മുഖം തിരിച്ചാലും ആ മനസ്സിൽ താൻ മാത്രമേ ഉള്ളൂവെന്ന്…ഈ ദേഷ്യം തട്ടിപ്പാണെന്ന് തനിക്കറിയാം.. ഉള്ളിലെ സ്നേഹം പുറത്തറിയാതിരിക്കാനുള്ള ശുദ്ധ തട്ടിപ്പ്…
നന്ദു പതിയെ കട്ടിലിൽ സഞ്ജുവിന്റെ അടുത്തിരുന്നു.. സഞ്ജു നന്ദുവിനെ നോക്കുക പോലും ചെയ്യാതെ താഴോട്ട് തന്നെ നോക്കി ഇരിക്കുകയാണ്..
സഞ്ജുവിന്റെ മൗനത്തിലും അവൾ അറിയുന്നുണ്ടായിരുന്നു..
അവളോടുള്ള കരുതലും സ്നേഹവും… അന്നുണ്ടായ പോലെ പോലെ തന്നെ ചേർത്തു പിടിച്ചാൽ താൻ എങ്ങനെ പ്രതികരിക്കും എന്നുള്ള സംശയം കൊണ്ടാണ് ആണ് ഈ ഗൗരവത്തിന്റെ മുഖംമൂടി എടുത്തു അണിഞ്ഞിരിക്കുന്നത്..
തന്നെ നോക്കി ദഹിപ്പിക്കുമ്പോഴും ആ കണ്ണുകളിൽ ഉണ്ട് തന്നോടുള്ള പ്രണയം… ആ മൗനത്തിൽ ഉണ്ട് തന്നോടുള്ള ഉള്ള സ്നേഹം… അതറിയാൻ ഇപ്പോൾ തനിക്ക് കഴിയുന്നുണ്ട്..
